新不平等条约100条

1.唔准同任何16歲以上35歲以下無血緣關係嘅女性單獨外出或者傾超過5分鐘電話。
2.我咬你嘅時候你唔准縮，最多应承你我細細力啦。
3.我唔會check你嘅來電顯示，但係你最好唔好俾我聽到你同不明來歷嘅女人講電話。
4.你個電話裡面只可以有兩個女人嘅相，你媽媽同我。
5.我有嘢做得唔岩你可以话我，不过唔俾发晒脾气嬲晒咁话我，要慢慢講道理，有耐心D。
6.我明白每個人都有過去，你會有舊情人嘅相呀信呀禮物呀，但係唔好喺我面前飄揚，有咩爛咗嘅就唔好怪我。
7.我鍾意收到你嘅SMS，几肉麻我都顶得顺架。
8.每日起碼要打一次電話俾我，因為我會记掛你，最好係喺我临訓前打嚟，因為听完你电話我会訓得舒服D。
9.你要俾我知你去咗邊，我唔係要check你行蹤，只係如果新聞話有几名人士失蹤，我要知道係唔係你。  
10.我哋未必可以一生一世，但希望你同我一齊嘅時候，每一刻都對我認真。
11.行街時因发生争执我掉头就走，你可以唔使即刻氹翻我，但喺要喺我身后跟住行，直到大家心情平复再講嘢。
12.你心裡面諗D咩，一定要同我講，因為我好蠢，你唔同我直接講我唔會知道。
13.我去咗玩而又唔係同你一齊，你叫我玩得開心D嘅話，我會以為你唔愛我唔緊張我唔想要我，你应该要同我講唔好玩咁夜啊，翻屋企小心D啊之类嘅，最好你嚟接我翻屋企添。
14.如果你要出去玩嘅最好就带埋我去，如果實在唔得嘅话就早D翻屋企俾个電话我，因为我會係屋企擔心你，訓唔著。
15.我希望你會記得一切嘅大時大節生日同紀念日，我唔會提，亦會扮大方，但唔代表我想你失憶。
16.我唔介意人嘅外貌，但係要乾乾淨淨。
17.唔好企圖或意圖用「初中妹妹仔嗟……」嚟做藉口安慰我，我唔會睇小妹妹仔嘅威力，因為我都曾經年轻過。
18.喺我发脾气提出分手時，你唔准当真。
19.唔准對我講大話，我最憎人呃我，虽然你话呃我喺唔想我唔开心，但喺俾我知道你呃我，咁样我會更加唔开心。
20.唔准一腳踏兩船 (或以上 )。
21.我唔需要你对我许下关于以后嘅某种承诺，我只想你肯定你对我依家嘅感觉，因為以後嘅事無人可以预测到。
22.出街一定要拖實我，因為我係超级路盲，會蕩失路。
23.我唔揀飲擇食，所以食咩你話事。
24.如果我遲到，都只係因為我想著靚D見你，所以你唔好鬧我。
25.你最好唔好有一堆女性朋友同契妹之類嘅不明物體喺身邊，否則我會大你三十萬倍用行動證明俾你睇，如果我想要我都可以有一籮男性朋友同契哥加uncle。  
26.我唔係专登骚扰你，我只係想等你知道我幾時掛住你嗟。
27.食飯時第一箸夾嘅食物記得最好要係俾我嘅。
28.我唔會要你幫我去麥當勞換公仔，但係會叫你陪我去買化妝品。  
29.你要好锡好锡我，因為你唔锡我就無人锡我架啦，当然我都會好锡你架。  
30.我唔喺贪心嘅人，唔一定要鑽石同珍珠，就算你送易拉环盖俾我都會一样咁开心，最重要喺睇你有冇心。
31.同你D朋友出去食飯，你唔使成日理住我，我唔會埋怨你嘅，不过你要記得我係你身邊就得。  
32.我唔會問你我靚唔靚 (因為我知道我好靚)，不过你識做嘅都要耐唔耐讚下我靓，最好諗多几樣形容词嚟讚我。
33.我鍾意人浪漫，耐唔耐諗D浪漫嘅嘢嚟氹下我，都唔会好过分挂。  
34.我知道你冇可能每秒鐘都掛住我，但係如果你全日都冇諗起我，我會好驚架。  
35.得閑你要陪我行下超市，等我享受一下甜蜜嘅感覚，最多俾你笑下我「師奶仔」啦。
36.如果有一日你郁手打我，我一定會走。
37.陪住你出去做嘢嘅時候唔使怕我等，怕我悶，因為我肯定記得带PSP。
38.記得我送俾你嘅嘢要好好保存。
39.Shopping 時可以分道揚鑣，但係你唔好又要企我隔離又要黑口黑面。 主人回复：
40.我好樂意同你行你鍾意嘅舖頭，你唔需要怕我悶，我會自得其樂。
41.虽然我知你唱歌唔喺咁好聽，不過就為我練一首，就专門唱俾我聽啊。
42.唔好批評我嘅好朋友，因為我同佢地共過患難，唔係酒肉朋友。
43.如果你唔開心，你要同我讲，唔好扮無事，因為如果俾我發现我會比你更唔開心。
44.我唔介意你望靚女，介意嘅係有筍嘢睇你都唔同我講。
45.如果你需要我嘅時候，随時揾我，唔好俾我以爲自己係個閑人。
46.我鍾意烧干尤，但係如果大時大節紀念日生日時都係食烧干尤，我會發火。
47.我喊嘅時候，你一定要氹我，因為我只會喺好傷心好傷心嘅時候先喊。
48.你做緊嘢嘅時候，我會自己搵嘢做，你唔需要擔心，因為我有時會覺得睇你好過睇大戲。
49.你最好有一首只係屬於我嘅電話鈴聲。  
50.如果你冇開口講，我都為你去改變，代表我真心鍾意你，請你珍惜我。
51.我好樂意幫你洗衫煮飯執屋，但係請你唔好當喺「奉旨」。
52. 唔好以為我真係好大方，只係我怕你讨厌小气嘅女仔咋。
53.唔好乱咁作出承诺，因為我真係會當真咁記一世架。  
54.你需要比我更清楚我嘅電話、相机同電腦嘅操作。
55.當你打机嘅時候，我可能會問你「咩係装备」等低B問題，你唔好嫌我煩，因為我真係有興趣知，但又從來冇人教過我。
56.我會希望你將我介紹俾你嘅朋友識。  
57.放假時我會間唔中留喺屋企休息，你即管出去玩，虽然我喺痴身但都唔好以為我係貼身膏藥，你唔同我出街我就唔出。
58.因為我有一D唔係太開心嘅過去，對人好冇安全感。所以請你用用行動話俾我知你對我係認真嘅，你唔係玩玩下。  
59.你先要努力工作，然後盡量抽時間陪我。
60.你唔需要係有錢仔，但係要有上進心，想出人頭地。
61.你一定要有自己嘅理想。
62.我唔會成日問你「我今日有咩唔同」，但耐唔耐都会问下，不过你留意我嘅就一定睇得出。
63.你要對自己有信心，我唔會生翼，所以我唔识飛走。
64.我有寫日志嘅習慣，如果你發現有一篇係關于你嘅，你最好俾D反應我。
65.我好野蠻任性，我知我都会為你而改，不过需要时间。
66.你要做我嘅人肉地圖。
67.我M嘅時候情緒會怪D，所以你要小心D。
68.我發脾氣cut你線，你唔使即時打翻電話俾我，但糸要发SMS俾我。  
69.有流星睇時，你要抽时间出嚟陪我许愿。  
70.如果你發我脾氣逼我做D我唔想做嘅嘢，我會覺得好唔开心。  
71.你煮飯